Рукапіс ліста Якуба Коласа да Бакшанскай В.С.

У 1945 годзе Якуб Колас напісаў ліст В. С. Бакшанскай з просьбай дапамагчы хворай жонцы – М. Д. Міцкевіч. Вольга Сяргееўна Бакшанская (дзяв. Нюрэнберг; 1891, Юр’еў (Тарту) – 1948, Масква) – сакратар-машыністка дырэкцыі ММАТа і асабісты сакратар У. І. Неміровіча-Данчанкі (з 1919 г.), старэйшая сястра Алены Сяргееўны Булгакавай, трэцяй жонкі пісьменніка М. А. Булгакава. Упершыню ліст апублікаваны ў газеце «Літаратура і мастацтва» за 2022 год №3.

Арыгінал рукапісу знаходзіцца ў музеі Маскоўскага мастацкага акадэмічнага тэатра. Электронная копія рукапіснага аўтографа Якуба Коласа была перададзена музеем Маскоўскага мастацкага акадэмічнага тэатра Дзяржаўнаму літаратурна-мемарыяльнаму музею Якуба Коласа. Быў атрыманы дазвол на публікацыю. Рукапіс выявіла галоўны захавальнік фондаў Міцкевіч В.В. Згодна з умовамі дагавора фотаздымкі рукапіса былі перададзены на абмежаваны тэрмін, выкарыстаны для публікацыі, а пасля выдалены. Інфармацыя прадастаўлена ўстановай “Дзяржаўны літаратурнамемарыяльны музей Якуба Коласа” (2023 г.)