Рукапіс ліста Якуба Коласа да Рабінінай А.П.

У 1941 годзе Якуб Колас напісаў ліст супрацоўніцы Дзяржаўнага літаратурнага выдавецтва А. П. Рабінінай з просьбай даслаць некалькі кніг, паэт распавядае аб першых месяцах жыцця ў эвакуацыі ў Ташкенце, аб цяжкім матэрыяльным становішчы сям’і.

Падчас Вялікай Айчыннай вайны Якуб Колас знаходзіўся ва эвакуацыі ва Узбекістане, куды была пераведзена Акадэмія навук БССР. Арыгінал рукапісу знаходзіцца ў фондах Дзяржаўнага музея Ул. Маякоўскага ў Маскве. Электронная копія рукапіснага аўтографа Якуба Коласа была перададзена Дзяржаўным музеем Ул. Маякоўскага Дзяржаўнаму літаратурна-мемарыяльнаму музею Якуба Коласа. Рукапіс выявіла галоўны захавальнік фондаў Міцкевіч В.В. Па ўмовах дагавора фотаздымкі не могуць быць апублікаваны. Інфармацыя прадастаўлена ўстановай “Дзяржаўны літаратурна-мемарыяльны музей Якуба Коласа” (2023 г.)