Рукапіс ліста Якуба Коласа да Міхальскага Ф.М.

У 1950 годзе Якуб Колас напісаў ліст Ф. М. Міхальскаму. Фёдар Мікалаевіч Міхальскі (1896 – 1968), тэатральны дзеяч, з 1918 года інспектар, загадчык гаспадарскай часткай, памочнік дырэктара ММАТа, з 1937 года – дырэктар музея тэатра. З 1948 г. Ф.М.Міхальскі – сакратар Камітэта па Сталінскіх прэміях у галіне літаратуры і мастацтва. Упершыню ліст апублікаваны ў газеце «Літаратура і мастацтва» за 2022 год №3.

Арыгінал рукапісу знаходзіцца ў музеі Маскоўскага мастацкага акадэмічнага тэатра. Электронная копія рукапіснага аўтографа Якуба Коласа была перададзена музеем Маскоўскага мастацкага акадэмічнага тэатра Дзяржаўнаму літаратурна-мемарыяльнаму музею Якуба Коласа. Быў атрыманы дазвол на публікацыю. Рукапіс выявіла галоўны захавальнік фондаў Міцкевіч В.В. Згодна з умовамі дагавора фотаздымкі рукапіса былі перададзены на абмежаваны тэрмін, выкарыстаны для публікацыі, а пасля выдалены. Інфармацыя прадастаўлена ўстановай “Дзяржаўны літаратурна-мемарыяльны музей Якуба Коласа” (2023 г.)